Президент Режеп Тайып Ердоған Бразилия президенті Луис Инасиу Лула да Силваға Түркияның Газада бейбітшілік орнатуға бағытталған барлық бастаманы маңызды деп санайтынын жеткізіп, Бразилияның Израильдің Газадағы геноцидіне үнсіз қалмау шешімін құптайтынын білдірді.
Түркия президенті аппараты жанындағы Коммуникация басқармасы сәрсенбі күні Түркияның “Nsosyal” әлеуметтік желісінде жариялаған мәлімдемесінде Ердоған мен Лула да Силваның телефон арқылы сөйлесіп, екіжақты, аймақтық және жаһандық мәселелерді талқылағанын хабарлады.
Ердоған Анкараның Газадағы гуманитарлық апатты тоқтатуға, бейбітшілікті қамтамасыз етуге және Палестина аумақтарын қайта қалпына келтіруге бағытталған жұмысты жалғастыратынын атап өтті. Сондай-ақ Түркия президенті екі ел арасындағы қарым-қатынастарды көптеген салада дамыту және ілгерілету жолындағы күш-жігер жалғаса беретінін айтты.
Израиль 2023 жылғы қазан айынан бері аймақта жүргізіп жатқан геноцидтік соғыс барысында 71 мыңнан астам палестиналықты өлтіріп, 171 мыңнан астамын жаралады және Газаның азаматтық инфрақұрылымының шамамен 90 пайызын жойды.
