Түркия Ұлы Ұлттық Мәжілісі төрағасы Сирияның аумақтық тұтастығы мен ұлттық егемендігі аса маңызды екенін атап өтті.
Куртулмуш сейсенбі күні жасаған мәлімдемесінде, басқару жүйесі қоғамның барлық топтарын қамтитын әділ және демократиялық Сирия аймақтың кепілі болатынын айтты.
Ол Сирия үкіметі мен YPG террористік ұйымы арасында 2025 жылдың 10 наурызында қол қойылған меморандум мен 30 қаңтардағы келісімнің ережелерін толық орындау Сирия мен аймаққа тұрақтылық әкелетінін айтып, «Міндеттемелер орындалғанда нағыз бейбітшілік орнайды»,- деді.
Қол жеткізілген уағдаластықтың әскери және әкімшілік тұрғыдан кезең-кезеңімен интеграцияны көздеуі аймақтық бейбітшілік үшін маңызды мүмкіндік екенін атап өткен Куртулмуш бұл бірігу Сирияның мемлекеттік әлеуетін арттырып, жаңа қауіпсіздік архитектурасына жол ашатынын жеткізді.
Сондай-ақ ол ешбір тұлғаның сенімі мен көзқарасы шеттетілмей, әрбір сириялық азаматтың саяси жүйеде қауіпсіз орны қамтамасыз етілуі тиіс екенін баса айтты. Бөліну, ыдырау, араағайындық құрылымдар мен бөлінулердің ешкімге пайда әкелмейтінін ескертті.
Мәжіліс төрағасы Куртулмуш «Сирия ˗ сириялықтардың елі», - деді. Сондай-ақ Түркияның Сирияны қайта қалпына келтіруде, оның мемлекеттік құрылымдарын нығайтуда, шекара қауіпсіздігін қамтамасыз етуде және терроризммен күресте барынша қолдау көрсетуге дайын екенін тағы да айтты.
