ТҮРКИЯ
2 ... минут оқылды
Емине Ердоған Сеулде Юнус Эмре институтын ашты
Түркия Республикасы президенті Режеп Тайып Ердоғанның жұбайы Емине Ердоған Сеулдегі Юнус Эмре институтының мәдени орталығының ресми ашылу салтанатын өткізді.
Емине Ердоған Сеулде Юнус Эмре институтын ашты
Емине Ердоған Сеулде Юнус Эмре институтын ашты

Президент Ердоғанның Сеулге сапарына серік болған Емине Ердоған Юнус Эмре Институтының Сеулдегі мәдени орталығының беташарына келіп, оны Юнус Эмре институтының төрағасы проф. др. Селим Аргун, Мәдениет департаментінің басшысы Али Рыза Карабағ және басқа да лауазымды тұлғалар қарсы алды.

ҚатыстыTRT Қазақ - Президент Ердоған Оңтүстік Кореяның ірі компанияларының басшыларымен кездесті

Мәдени орталықтың бетін ашқан Емине Ердоған кейін кореялық студенттерге түрік тілі үйретілетін сыныпқа өтіп, білім алушылармен сұхбаттасты.

Екі кореялық студенттің түрік тіліндегі диалогын тыңдаған Емине Ердоған олардың сөйлесу мәнеріне ризашылық білдіріп, қол шапалақтап құттықтады.

Халықтар арасындағы көпір ретіндегі тіл мен мәдениет

Емине Ердоған түрік тілін үйреніп жатқан кореялық студенттердің Түркия мен Оңтүстік Корея арасындағы елшілер болатынын айтты.

Емине Ердоған әлеуметтік желідегі парақшасында бұл шараға қатысты жасаған жазбасында мынадай пікір білдірді:

«Мәдениеттер арасында көпір орнатқан Юнус Эмре институтымыздың Оңтүстік Кореяда жүзеге асырған Сеул Юнус Эмре түрік мәдени орталығы дос екі ел үшін қайырлы болсын деп тілеймін. Түрік тілімізге ықылас танытқан студенттерімізбен жүздесу, тіліміз пен мәдениетіміздің шалғай жерлерде қандай ғажайып үн үндестігін тапқанына куә болу — өте құнды. Юнус Эмре институтымыз өркениеттік мұрамызды әлемге таныта отырып, адамдарды тек бөлек тілмен ғана емес, басқаша өмірлермен және ой-пікірлермен де таныстырады. Өйткені бір-бірінің тілін үйренетін, тарихын тыңдайтын және құндылықтарын бағалайтын адамдар арасында орнаған жақындық — елдер арасындағы достықтың да ең берік іргетасы. Осы түсінікпен әлемнің төрт бұрышында жанқиярлықпен еңбек етіп жүрген Юнус Эмре институтымыздың барша қызметкеріне шын жүректен алғыс айтамын».

Институт курстар мен мәдени іс-шаралар ұйымдастырады

Түрік тілін, мәдениетін, өнерін және өркениеттік мұрасын әлемге танытуды, қоғамдар арасындағы өзара түсіністік пен мәдени байланыстарды нығайтуды мақсат ететін Юнус Эмре институты Сеулдегі мәдени орталығы арқылы Түркия мен Корея Республикасы арасындағы тарихи достық пен бауырластық қатынастардың мәдениет, өнер және білім салаларында дамуына үлес қосуда.

Бұған дейін Ханкук шетел тілдері университеті (HUFS) жанында өз қызметін атқарып келген орталық 2025 жылы Корея Республикасының Сыртқы істер министрлігі тарапынан дипломатиялық мәдени орталық мәртебесінде танылды.

Емине Ердоған ресми түрде ашқан мәдени орталық 2024 жылдан бері қызмет көрсетіп келеді.

Түрік тілін үйретумен қатар студенттерді Түркияға жіберу, түрік тағамдары курстары, дәстүрлі қолөнер шеберлік сабақтары және түрлі мәдени-өнер іс-шаралары арқылы кореялық қатысушылардың Түркияны және түрік мәдениетін жақыннан тануына мүмкіндік беретін мәдени орталықта 21 тыңдаушы түрік тілі білімін алуда.

Іздеу
Президент Ердоған COP31 аясында қарқынды дипломатиялық кездесулер өткізуде
«Көшбасшылардың COP31 саммитінде танытқан табандылығы Париж климаттық келісімі үшін үміт ұялатады»
Трамп қызметінен кетпес бұрын Куба мәселесін шешуді көздеп отыр
“Microsoft 365” қызметіндегі ақау әлі жойылған жоқ
Ресей мен Ауғанстан астық және энергетикалық жабдықтар жеткізу жөнінде келісімге келді
Бейбітшілік келіссөздерінің келесі кезеңі Еуропаның қатысуымен өтпек
Түрік Қызыл Жарты Ай қоғамы Босния және Герцеговинадағы мұқтаж жандарға 9,5 тонна көмек жеткізді
«АҚШ Орталық қолбасшылығы Иранға қайта шабуыл жасалуы мүмкін екенін ескертті»
ЕО: «Біздің қауіпсіздігіміз Украинаның қауіпсіздігіне тікелей байланысты екені анық»
АҚШ президенті Трамптың арнайы өкілдері Ресей президенті Путинмен кездесті
Иран: «АҚШ-тың Бахрейндегі  ерте ескерту радары жойылды»
Малатияда апатқа ұшыраған тікұшақтағы 4 әскери қызметкер шейіт болды
Түркия мен Қытай арасында жаңартылатын энергия саласында инвестициялық келісімге қол қойылды
Әзербайжан президенті Әлиев пен Украина президенті Зеленский Дублинде кездесті
Президент Ердоған Иран президенті Пезешкианмен кездесті