Израиль армиясының айтуынша, шабуыл Хезболланың «Радван күштері» пайдаланатын «оқу және даярлау лагерін», сондай-ақ « Хезболлаға тиесілі әскери құрылыстар мен бір ұшыру нүктесін» нысанаға алған.
«Израиль Қорғаныс Күштері Оңтүстік Ливанның бірнеше аймағында Хезболлаға тиесілі инфрақұрылымды соққыға алды», – делінген мәлімдемеде.
2024 жылдың қарашасында жасалып, Израиль мен ливандық шиіт ұйымының арасындағы бір жылдан астам уақытқа созылған қақтығысты тоқтатуды көздеген бітім келісіміне қарамастан Израиль Ливанға бағытталған шабуылдарын жалғастырып келеді.
Ливан үкіметі Хезболланы қарусыздандыруға міндеттелген. Армия жыл соңына дейін шекараға жақын аймақтағы топтың әскери инфрақұрылымын бұзуды жоспарлап отыр.
Сенбі күні БҰҰ Қауіпсіздік Кеңесінің делегациясы екі тарапты бітімді сақтауға шақырды.
