Зеленский әлеуметтік желідегі парақшасында Ресейдің Днепр қаласына зымыранмен соққы жасағанын хабарлады.
Оның айтуынша, шабуыл салдарынан 5 адам көз жұмып, 29 адам жараланған.
Сондай-ақ Зеленский Ресейдің Запорожье қаласында шағын автобусқа ұшқышсыз ұшу аппаратымен (ҰҰА) шабуыл жасағанын жеткізді.
Бұл шабуылдан 3 адам қаза тауып, 6 адам жараланған. Президенттің айтуынша, екі қалада да іздестіру-құтқару жұмыстары жалғасып жатыр.
Украина басшысы Ресей әскері Сумы, Харьков, Чернигов облыстары мен Одесса және Херсон өңірлеріне де шабуыл жасағанын айтып, «Ресейдің бұл террорына қарсы күресу аса маңызды», – деді.
Украина Әуе күштері қолбасшылығының мәліметінше, Ресей түнде Украина аумағына ұшырған 180 ұшқышсыз ұшу аппаратының 82-сі атып түсірілген.
Мәлімдемеде Украинаның әртүрлі өңіріне төнген әуе шабуылы қаупі әлі де сақталып отырғаны атап өтілді.
