Израильдік БАҚ-тың хабарлауынша, Газа секторында ұсталған израильдік тұтқындарды босату таңғы сағат 8:00-де Нетзарим дәлізінен басталып, сағат 10:00-де Газа қаласының Хан Юнус ауданында жалғасады.
Израильдіктер Тель-Авив әкімшілігі қиратқан Газа секторынан соңғы 20 тұтқынды қарсы алуға дайын. Бұл оқиға атысты тоқтату туралы маңызды келісімнің бір бөлігі ретінде жүзеге асуда.
Палестиналықтар да Израильдің қолындағы жүздеген адамның босатылуын күтіп отыр.
Бұл оқиға Газа секторындағы атысты тоқтату туралы бейбітшілік саммитінің қарсаңында жүзеге асуда. Саммит Мысырдың Шарм-эль-Шейх қаласында өтеді және оны АҚШ президенті Дональд Трамп пен Мысыр мемлекет басшысы Абдель Фаттах ас-Сиси бірлесіп басқарады.
Саммитке 20-дан астам әлемдік көшбасшы қатысады деп күтілуде, олардың қатарында Түркия президенті Режеп Тайып Ердоған, Франция президенті Эммануэль Макрон, Иордания королі Абдулла II, Бахрейн королі Хамад бин Иса әл-Халифа, Ұлыбритания премьер-министрі Киир Стармер, Испания премьер-министрі Педро Санчес, Италия премьер-министрі Джорджия Мелони, Пәкістан премьер-министрі Шахбаз Шариф және Германия канцлері Фридрих Мерц бар.
Мысыр саммиттің мақсаты ретінде "Газа секторындағы соғысты тоқтату, Таяу Шығыста бейбітшілік пен тұрақтылықты нығайту және аймақтық қауіпсіздік пен тұрақтылықтың жаңа кезеңін бастау" деп мәлімдеді.
