ӘЛЕМ ЖАҢАЛЫҚТАРЫ
2 ... минут оқылды
Эстония 1 желтоқсаннан бастап Ресеймен шекарасын жабады
Эстония Ресейді диверсия ұйымдастырды деп айыптап, шекарасын жабатынын мәлімдеді.
Эстония 1 желтоқсаннан бастап Ресеймен шекарасын жабады
Саатсе маңындағы Эстония мен Ресей арасындағы шекара (МҰРАҒАТ). / Reuters (Wire)

Таллин Мәскеуді жауапты деп айыптаған Эстонияның қорғаныс өнеркәсібі компаниясына қарсы диверсия жасау әрекетінен кейін елдің сыртқы істер министрі 1 желтоқсаннан бастап Ресеймен арадағы барлық шекара өткізу бекеті жабылатынын мәлімдеді.

Эстония билігі ұшқышсыз ұшу аппараттарын өндіретін “Threod Systems” компаниясын өртемек болды деген күдікпен түнде сегіз адамды ұстады. Ресми өкілдер бұл әрекетке Ресейдің әскери барлау қызметі – Бас барлау басқармасы (ГРУ) бұйрық бергенін мәлімдеді.

Жексенбі күні таңертең премьер-министр Кристен Михал “X” әлеуметтік желісіндегі парақшасында ГРУ сенбіге қараған түні Эстонияның “Threod Systems” қорғаныс компаниясына қарсы «диверсия жасауға» бұйрық бергенін жазды.

Михал: «Күшейтілген қауіпсіздік шаралары мен құқық қорғау органдарының жедел әрекетінің арқасында ірі көлемдегі шығынның алдын алдық. Шабуыл жасаушылар ұсталды», – деді.

Мәскеу Эстонияның айыптауларына немесе шекара өткізу бекеттерін жабу туралы шешіміне қатысты әзірге мәлімдеме жасаған жоқ. Ресей Еуропа елдері өкілдерінің диверсиялық операцияларға қатысы бар деген айыптауларын үнемі жоққа шығарып келеді.

Сыртқы істер министрі Маргус Цахкна “X” әлеуметтік желісіндегі парақшасында: «Ресей Эстонияға қарсы дұшпандық әрекеттерінің салдары болатынын түсінуі керек. Бізді қорқытуға, тұрақсыздық орнатуға немесе қауіпсіздігімізге нұқсан келтіруге бағытталған әрекеттер жауапсыз қалмайды», – деп жазды.

Цахкна бұл шешім туралы Финляндия, Латвия және Литвадағы әріптестеріне хабарлағанын да атап өтті.

Министр шекара өткізу бекеттерін жабу шешімінің қанша уақытқа созылатыны туралы нақты мәлімет берген жоқ.

Эстонияның “ERR” қоғамдық хабар тарату ұйымының мәліметінше, НАТО мен Еуропалық одаққа мүше әрі Украинаны белсенді қолдайтын Эстонияның Ресеймен шекарасында қазіргі уақытта жаяу жүргіншілер мен жүк тасымалы үшін ашық үш өткізу бекеті бар. Олар – Нарва, Лухамаа және Койдула.

ҚатыстыTRT Қазақ - Бейбітшілік келіссөздерінің келесі кезеңі Еуропаның қатысуымен өтпек
Іздеу
Түрік Қызыл Жарты Ай қоғамы Босния және Герцеговинадағы мұқтаж жандарға 9,5 тонна көмек жеткізді
Иран: «АҚШ-тың Бахрейндегі  ерте ескерту радары жойылды»
Малатияда апатқа ұшыраған тікұшақтағы 4 әскери қызметкер шейіт болды
Түркия мен Қытай арасында жаңартылатын энергия саласында инвестициялық келісімге қол қойылды
Әзербайжан президенті Әлиев пен Украина президенті Зеленский Дублинде кездесті
Президент Ердоған Иран президенті Пезешкианмен кездесті
Түркияның танымал тұлғалары COP31-де климат дағдарысына қарсы әрекет етуге шақырды
Ормуз бұғазында апатқа ұшыраған екі танкер өртенді
Конгода Эбола індетін жұқтырғандар саны 11 мыңнан асты
Түркия Израильдің президент Ердоғанға қатысты мәлімдемесіне наразылық білдірді
ЕО Даму банкі Түркияның таза энергияға көшуіне 6 миллиард доллар инвестиция салады
Президент Зеленский: “Соғысты аяқтау АҚШ-тың Ресейге қатысты ұстанымына байланысты”
Түркияның баскетболдан әйелдер құрамасы Черногорияны 79:62 есебімен жеңді
Президент Ердоған COP31 саммиті аясында екіжақты кездесулерін жалғастыруда
БҰҰ Бас хатшысы Антониу Гутерриш елдерді «Климаттық әділдік келісімін» қабылдауға шақырды