Лавровтың айтуынша, Вашингтон Николас Мадуро билігін құлатуға бағытталған «заңсыз операция» жүргізіп, Иранды шабуылмен қорқыту арқылы халықаралық жүйені күйретіп отыр.
Лавров сәрсенбі күні АҚШ-тың Мадуроны алып қашу операциясы туралы «Бұл ˗ халықаралық құқықтың өрескел бұзылуы», - деді және Ресей Венесуэламен жасалған келісімдерге адал екенін жеткізді.
Ол АҚШ-тың ұзақ уақыт бойы қорғап келген қағидаттарынан бас тартуы өз беделіне нұқсан келтіретінін айтып, «Америкалық әріптестеріміз осындай әрекеттерімен сенімсіз көрінеді», - деді.
«Bloomberg»-тің «Трамптың арнайы өкілі Стив Уиткофф пен күйеу баласы Джаред Кушнер Мәскеуге келіп, Владимир Путинмен кездесуді жоспарлап отыр» деген хабары туралы сұраққа Лавров Путиннің Украинада бейбітшілікке қатысты келіссөздерге бірнеше рет дайын екенін айтқанын жеткізді.
Лавров сондай-ақ АҚШ-тың Украина жөніндегі соңғы бейбіт ұсыныстары туралы Мәскеуді хабардар етуі пайдалы болатынын атап өтті.
