САЯСАТ
2 ... минут оқылды
Трамп президент Мадуро мен жұбайының Венесуэладан күштеп шығарылғанын мәлімдеді
Президент Трамп Мадуро мен жұбайының Венесуэладан АҚШ-тың сәтті операциясы нәтижесінде шығарылғанын жариялады. Бұл операция ауқымды әскери шабуыл кезінде жүзеге асырылды.
Трамп президент Мадуро мен жұбайының Венесуэладан күштеп шығарылғанын мәлімдеді
Трамп президент Мадуро мен жұбайының Венесуэладан күштеп шығарылғанын мәлімдеді / AFP
 

АҚШ президенті Дональд Трамп сенбі күні Вашингтонның Венесуэлаға қарсы «ауқымды шабуыл» ұйымдастырғанын және мемлекет басшысы Николас Мадуро мен жұбайының қолға түсіп, елден шығарылғанын айтты.

Президент Трамп “Truth Social” әлеуметтік желісіндегі мәлімдемесінде «Америка Құрама Штаттары Венесуэла мен оның лидері Николас Мадуроға қарсы сәтті түрде ауқымды шабуыл жасады, ол жұбайымен бірге ұсталып, елден шығарылды», — деп атап өтті. Трамп бұл әскери рейдтің «АҚШ құқық қорғау органдарымен тығыз ынтымақтастықта» жүргізілгенін жеткізді.

АҚШ президенті оқиғаның егжей-тегжейі кейінірек жарияланатынын және Флорида штатындағы Мар-а-Лаго резиденциясында сағат 11.00-де баспасөз мәслихаты өтетінін хабарлады.

ҚатыстыTRT Қазақ - Венесуэла мен АҚШ президенттері сөйлесті

Сонымен қатар “New York Times” басылымына берген қысқаша телефон сұхбатында Трамп шабуылдың сәттілігін жоғары бағалап, «Өте жақсы жоспарлау, өте мықты сарбаздар мен ғажайып адамдар болды. Шын мәнінде, бұл кемеңгерлікпен жасалған операция еді», — деді.

Операцияға Конгрестің рұқсаты немесе Венесуэланың болашағы туралы сұрақтарға Трамп баспасөз мәслихатында жауап беретінін айтты.

Мадуро АҚШ бақылауында

АҚШ Мемлекеттік хатшысының орынбасары Кристофер Ландау Мадуроның «жасаған қылмыстары үшін сот алдында жауап беретінін» айтты. Ландау “X” желісіндегі жазбасында «Венесуэла үшін жаңа таң атты! Қанаушы кетті. Ол қылмыстары үшін әділ сотпен бетпе-бет келеді», — деді.

“CBS News”-тің хабарлауынша, Мадуроны ұстау операциясын АҚШ армиясының таңдаулы арнайы жасағы “Delta Force” жүзеге асырған. АҚШ сенаторы Майк Ли Мемлекеттік хатшы Марко Рубионың өзіне Мадуроның АҚШ-та қылмыстық айыптармен сотталу үшін тұтқындалғанын хабарлағанын айтты. Рубионың айтуынша, Мадуро АҚШ-тың бақылауына өткендіктен, Венесуэлада бұдан былай басқа әскери әрекеттер күтілмейді.

Осы арада Венесуэла вице-президенті Делси Родригес Мадуроның қайда екенінен «хабарсыз» екендерін мәлімдеп, Трамптан «Президент Мадуроның тірі екендігіне дәлел» талап етті.

ҚатыстыTRT Қазақ - Венесуэла Колумбиядан әскери қолдау сұрады
Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»