Иран Студенттерінің жаңалық агенттігінің (ISNA) хабарлауынша, Пезешкиан ел астанасы Тегеранда соғыс салдарынан болған шығындарды жоюға жауапты лауазымды тұлғалармен кездесті.
Пезешкиан соғыстан зардап шеккен халықтың шығындарын өтеудің маңыздылығына тоқталып, диалог пен келіссөздер туралы айтудың берілу немесе шегіну емес екенін, бұл Иран халқының құқықтары мен ел мүдделерін қорғау мақсатына қызмет ететінін айтты.
Иран халқының «дұшпан» алдында бас имейтінін айтқан Пезешкиан шабуылдар кезінде үйлері бүлінген азаматтарға үкімет қолдан келген көмекті көрсетіп жатқанын атап өтті.
АҚШ-тың келіссөздерге қатысты соңғы ұсынысы қарастырылуда
Иран Сыртқы істер министрлігінің өкілі Исмаил Бегаеи АҚШ-пен жалғасып жатқан келіссөздер үдерісіне қатысты зерттеу жұмыстарының жалғасып жатқанын хабарлаған болатын.
Келіссөздер барысында АҚШ-тың Иранға ұсынысы жөнінде: «Қарастырылып жатыр. Нәтижеге қол жеткізген кезде жариялаймыз», - деген Бегаеи еліне жасалуы мүмкін кез келген шабуылға қарсы Иран армиясының дайын екенін айтты.
