Ұйымның Палестинадағы директоры Анн-Клер Яиш: «Қауіп өте үлкен. Cоғыс басталғалы бері Газаға шамамен 70 мың тонна жарылғыш тасталды», — деді.
“Handicap International” – миналарды залалсыздандыру және жарылғыш заттардан зардап шеккендерге көмек көрсету ұйымы.
Газа соғысы кезінде жарылмаған бомбалар мен гранаталардан бастап оқ-дәрілерге дейін көптеген жарылғыш зат қала көшелерінде қалған.
Яиштің айтуынша: «Құлаған ғимараттар мен үйінділердің деңгейі өте жоғары. Газа – тығыз қоныстанған аймақ, ашық жерлер аз, сондықтан қауіп-қатер өте үлкен», -деді.
БҰҰ-ның Миналарға қарсы іс-қимыл қызметі (UNMAS) биыл қаңтар айында Газаға тасталған снарядтардың 5–10%-ы жарылмай қалғанын хабарлаған болатын.
Соңғы атысты тоқтату келісімі жұма күні күшіне енді.
UNMAS 10 қазандағы атысты тоқтату режимінен бері техникалық көмек сұраныстары артқанын, сондай-ақ ұйымның бұрын қолжетімсіз аймақтарда гуманитарлық миссияларға шақырылғанын хабарлады.
Агенттік қазіргі уақытта Газа шекарасында үш брондалған көлік күтіп тұрғанын, бірақ қажетті құрал-жабдықтарды әкелу үшін Израильдің рұқсатын әлі ала алмай отырғанын айтты.
