Германия Қорғаныс министрі Борис Писториус сәрсенбі күні Берлинде Түркия Қорғаныс министрі Яшар Гүлермен өткен кездесуден кейін Түркияның Еуропа қауіпсіздігіне қосып отырған маңызды үлесін жоғары бағалады.
Министрлер Қорғаныс министрлігі ғимаратындағы кездесуде Украина мен Сириядағы соңғы жағдайды, екіжақты қорғаныс ынтымақтастығын және алдағы НАТО саммитіне дайындықты талқылады.
Писториус мәлімдемесінде «Германия Еуропа қауіпсіздігіне елеулі үлес қосып отырған Түркияны маңызды одақтас деп санайды. Түрік Қарулы күштері одақтың оңтүстік қанатының қауіпсіздігін қамтамасыз етуге айтарлықтай үлес қосуда», – деді.
Писториус НАТО серіктестері арасындағы ортақ мүдделерді атап өтіп, екіжақты қорғаныс ынтымақтастығын одақ шеңберінен тыс та одан әрі күшейту қажет екенін айтты.
Германия министрі «Германия мен Түркияның одақ аясында қауіпсіздік пен қорғаныс саласындағы тамыры терең байланыстары бар. Бұдан бөлек Анкарамен екіжақты ынтымақтастығымызды одан әрі нығайтқымыз келеді», – деді.
Мәлімдемеде министрлердің шілде айында Анкарада өтетін НАТО саммитінің мәселелерін де талқылағаны айтылды. Саммитте одақтың қауіп-қатерлерге қатысты жан-жақты ұстанымы қарастырылып, НАТО-ның әртүрлі қауіпке дайындығы талқыланады.
