АҚШ арнайы елшісі Стив Уиткофф жақында ХАМАС бас келіссөзшісі Халил әл-Хайямен кездесу өткізуді жоспарлап отыр.
Кездесу күні әлі нақты белгіленбегенін “The New York Times” газеті жазды. Дерекөздер жоспар өзгеруі мүмкін екенін де ескертті.
Бір шенеунік “Уиткофф қоршаудағы Газа секторында қазан айынан бері күшінде тұрған атысты тоқтату мәселесін қарастыруды мақсат етіп отыр” деп мәлімдеді.
Уиткофф пен әл-Хайяның бетпе-бет кездесуі Трамп әкімшілігінің Хамаспен тікелей байланыс ұстауға мүдделі екенін білдіреді.
Ақ Үй де, Хамас та пікір сұрағандарға жауап берген жоқ.
Ортақ қайғы
Алайда бұл Уиткофф пен әл-Хайя арасындағы алғашқы отырыс болмайтынын атап өткен жөн.
Олар қазан айында атысты тоқтату туралы келісімге қол қойылардан бұрын бірінші рет кездескен және Уиткофф ұлынан айрылып қалған әл-Хайяға көңіл айтты.
Уиткоффтың ұлы Эндрю 2011 жылы опиоидтың шамадан тыс дозасынан қайтыс болған. Химам әл-Хайя болса қыркүйек айында Дохада Израиль соққысы кезінде қаза тапқан.
