Еуропалық комиссия төрағасы Урсула фон дер Ляйен Украинаның ЕО-ға мүшелік үдерісінде «батыл әрекет жасау» үшін алдағы апталардың «маңызды» болатынын мәлімдеді.
Фон дер Ляйен сәрсенбі күні “X”-тегі парақшасында Украина президенті Владимир Зеленскиймен телефон арқылы сөйлесіп, Украинаның ЕО-ға мүшелік жолын талқылағанын жазды.
«Алдағы апталар мүшелік үдерісінде батыл әрекет жасау тұрғысынан маңызды болады», - деді ол.
Ол Ресейдің «қатыгез басқыншылық соғысын» жалғастырып жатқан кезеңінде Еуропаның Украинаға «толық қолдауын» растады.
Фон дер Ляйен әуе қорғанысы, ұшқышсыз ұшу аппараттары және дрондарға қарсы мүмкіндіктер Еуропаның «ең шұғыл қорғаныс басымдықтарының» қатарында екенін айтып, Украинаның бұл күш-жігерге «толық интеграцияланатынын» жеткізді.
Украинаны қолдау несиесі Киевтің қорғаныс қажеттіліктеріне «өмірлік маңызды үлес» қосатынын айтқан фон дер Ляйен: «Тек биылдың өзінде Украинаның әскери қажеттіліктері үшін 28,3 миллиард еуро, яғни шамамен 33 миллиард доллар бөлінеді», - деді.
