GlobeWatch 2025 ICCA” елдер мен қалалар рейтингі есебіне сәйкес, Түркия 2025 жылы 142 халықаралық ірі конгреспен әлемдік рейтингтегі орнын сақтап, 33-орынға жайғасты. Ал Еуропа рейтингінде Түркия өткен жылы 18-орын алған болатын.
Осылайша 2024 жылы конгресс қалалары рейтингінде Еуропада 15-орында, әлемде 20-орында болған Стамбул бір жыл ішінде екі саты жоғарылады.
Қаланың бұл көрсеткіші Түркияның халықаралық конгресс нарығындағы орнына оң әсер етті.
Аталған есепте Стамбулға қатысты «Стамбул конгресс туризміндегі тұрақты өсуімен оң қарқынын сақтап, Түркияның жалпы көрсеткішінің негізгі қозғаушы күші әрі маңызды транзиттік бағыт ретіндегі орнын нығайта түсуде», – деген баға берілді.
Стамбул 2025 жылы 95 конгреспен 18-орынға көтеріліп, соңғы 10 жылдың ең үздік нәтижесіне қол жеткізді.
Әлемдік конгресс қалалары рейтингінде Лиссабон көш бастаса, екінші орынды Париж, үшінші орынды Барселона иеленді. Вена, Сингапур, Прага, Копенгаген, Лондон, Сеул және Токио алғашқы ондықта. Стамбул 95 конгреспен 18-орынға жайғасты. Елдер бойынша рейтингте АҚШ көшбасшылығын сақтап қалса, Италия екінші, Германия үшінші орын алды.
