«Нөлдік қалдық» қорының ұйымдастыруымен «Анталияға апарар жол: Климаттық іс-қимыл ретінде нөлдік қалдық» тақырыбымен 5–7 маусым күндері Стамбулда екінші рет Халықаралық нөлдік қалдық форумы өтеді.

Президент Режеп Тайып Ердоғанның жұбайы Емине Ердоған Стамбулда екінші рет ұйымдастырылатын форумға қатысты әлеуметтік желіде жазба жариялады.

Емине Ердоған өз жазбасында: «Нөлдік қалдық» қоры тарапынан екінші рет өткізілетін Халықаралық нөлдік қалдық форумының еліміз бен бүкіл адамзат үшін игі нәтижелерге жол ашуын тілеймін. «Анталияға апарар жол: Климаттық іс-қимыл ретінде нөлдік қалдық» тұжырымдамасы аясында өтетін форумда 160-тан астам елден мыңдаған өкіл ортақ үйіміз Жер планетасының болашағы үшін Стамбулда басқосады. «COP31» үдерісіне де елеулі үлес қосатын бұл саммиттің экологиялық сананы күшейтіп, ортақ жауапкершілік түсінігін тереңдетіп, климат дағдарысына қарсы күресте ұзақ мерзімді ынтымақтастықты қолдауына тілектеспін», – деді.