Франция Сыртқы істер министрі Жан-Ноэль Барро өз еліндегі орман өрттерімен күреске қолдау көрсеткен Түркияны қоса алғанда көптеген елге алғыс білдіретіндерін айтты.
Барро “X” әлеуметтік медиа платформасындағы парақшасында жасаған мәлімдемесінде «Франция биыл бұрын-соңды болмаған ауқымдағы орман өрттерімен бетпе-бет келіп отыр», — деген сөздерді қолданды.
Орман өрттерімен күрес бойынша құрлықтағы және әуедегі мүмкіндіктерін француз құтқару топтарының жанына жіберген Түркия, Германия, Австралия, Бельгия, Хорватия, Литва, Люксембург, Португалия, Чехия, Румыния, Сербия, Словакия, Швеция, Швейцария, Украина және Еуропа Одағына алғыс айтқан Барро: «Өртпен күрес үшін өз көмегін ұсынған барлық елдерге ерекше ризашылығымды білдіремін», — деді.
Түркия Франциядағы орман өрттерімен күрес үшін екі өрт сөндіру ұшағын жіберген болатын.
Франция президенті Эммануэль Макрон “X” әлеуметтік медиа платформасындағы парақшасында Түркия жіберген 2 өрт сөндіру ұшағы туралы түрік тілінде және Түркия туын қоса жариялаған жазбасында: «Рақмет, Түркия», — деген сөзді қолданған еді.
Тарихындағы ең ауыр өрт маусымын бастан кешіріп жатқан Францияда биыл 117 мың гектардан астам алқап зардап шегіп, 4 өрт сөндіруші қаза тапты.
