Түркия Еуропада бірнеше күннен бері жалғасып жатқан орман өрттерімен күрес аясында Испаниядан кейін Францияға да әуеден қолдау көрсетіп жатыр.
Ауыл және орман шаруашылығы министрі Ибрахим Юмаклы әлеуметтік желідегі парақшасында президент Режеп Тайып Ердоғанның тапсырмасына сәйкес, бұған дейін Испанияға жіберілген екі өрт сөндіру ұшағынан кейін Францияның көмек сұрауына байланысты бұл елге де екі өрт сөндіру ұшағы аттандырылғанын хабарлады.
Юмаклы Еуропада жалғасып жатқан орман өрттері тілсіз жаумен күрестің қаншалықты қиын екенін тағы бір рет көрсеткенін атап өтті. Ол Түркияның бар мүмкіндігі мен тәжірибесіне сүйеніп, тек өз ормандарын ғана емес, қажет болған жағдайда басқа елдердің ормандарын қорғау үшін де жауапкершілік алатынын айтты.
Түркияның Испанияға көрсеткен көмегінен кейін Францияның өтінішіне де қысқа мерзімде жауап бергенін айтқан Юмаклы сөзін былай түйіндеді:
«Орман ̶ бізге уақытша берілген аманат қана емес, болашақ ұрпаққа қалдыратын ең қымбат мұра. Осы түсінікпен ынтымақтастық пен күресімізді табандылықпен жалғастырамыз».
