Түркия Эр-Риядта өткен коалиция отырысында Сирияда ДАИШ террорлық ұйымына қарсы күресте біріккен және үйлестірілген жұмысқа шақырып, Сирияның терроризмге қарсы күрестегі рөлін күшейтудің қажеттілігін атап өтті.
Сыртқы істер министрлігінің мәлімдемесіне сәйкес, Түркия Сыртқы істер министрінің орынбасары, елші Муса Кулаклыкая ДАИШ-ке қарсы күрес жөніндегі халықаралық коалицияның Саяси директорлар отырысында Анкараның ұстанымын жеткізді.
Өз сөзінде Кулаклыкая Сириядағы атысты тоқтату мен интеграция үдерісінің елдің аумақтық тұтастығы мен бірлігі негізінде аяқталуының маңызын атап өтті.
Кулаклыккая бұл қадамдардың Түркияның ұлттық қауіпсіздік басымдықтары аясында толық жүзеге асуының маңыздылығына назар аударды.
Министрдің орынбасары сондай-ақ ДАИШ-ке қарсы күресте Коалиция мүшесі Сирияны жалғыз заңды күш ретінде қабылдаудың қажеттігін атап өтіп, Сирияның терроризмге қарсы күрес мүмкіндіктерін күшейту ұзақ мерзімді тұрақтылықты қамтамасыз ету және ұйымға қарсы күрестің тұрақты тиімділігін сақтау үшін әлі де қажет екенін айтты.
Кулаклыкая коалиция аясындағы үйлестірілген әрі инклюзивті тәсілдің бүкіл аймақта тұрақты қауіпсіздік нәтижелеріне ықпал ететінін баса айтты.
ДАИШ-ке қарсы жаһандық коалиция террорлық ұйыммен күреске бағытталған саяси, әскери және тұрақтандыру күш-жігерін үйлестіру үшін халықаралық серіктестерді біріктіреді.
