Иранның ресми “IRNA” ақпарат агенттігінің мәліметінше, АҚШ Чабахар қаласындағы Шәһид Калантери портында орналасқан теңізді бақылау мұнарасына соққы берді.
Шабуыл салдарынан мұнара толықтай қирады. Алдын ала мәліметтер бойынша, қаза тапқандар мен жараланғандар жоқ.
Шабуылдан кейін оқиға орнына техникалық және жедел топтар жіберілгені, қазіргі уақытта келтірілген залалды бағалау, қауіпсіздік шараларын қабылдау және порт жұмысын қайта бастау бағытындағы жұмыстар жүргізіліп жатқаны айтылды.
“IRNA” агенттігінің хабарлауынша, техникалық тексерулер аяқталып, қауіпсіздік талаптары толық қамтамасыз етілгеннен кейін Шәһид Калантери портында жүк тиеу және жүк түсіру жұмыстары жақын арада қайта жанданады деп болжануда.
Сонымен қатар Иран Денсаулық сақтау министрлігі АҚШ-тың 8 шілдеден бері Иранға жасаған соңғы шабуылдары салдарынан қаза тапқандар санының 38-ге жеткенін, ал жараланғандар санының 400-ден асқанын мәлімдеді.
