Түркия президенті Режеп Тайып Ердоған Дональд Трамптың қоршаудағы Газада атысты тоқтатуға бағытталған күш-жігерін жоғары бағалады.
Ердоған: «Газада қырғын және атысты тоқтату үшін АҚШ президенті Трамп мырзаның күш-жігерін және көшбасшылығын құптаймын. Тараптар қабылдайтын әділ әрі тұрақты бейбітшілікті орнату үшін біз де Түркия ретінде бұл процеске үлес қосуды жалғастырамыз», – деді.
Бұл мәлімдеме Трамптың Вашингтонда Нетаньяхумен өткізген баспасөз мәслихатында Газаға арналған бітім жоспарының негізгі тармақтарын жариялағаннан кейін жасалды.
Ұсынысқа израильдік тұтқындарды босату және ХАМАС-тың қарусыздандырылуы кіреді.
Трамп баспасөз мәслихатында Израиль басшысының «Палестина мемлекетінің құрылуына айқын түрде қарсы екенін» атап өтіп, «бұны түсінетінін» жеткізді.
Израиль қоршаудағы Газада бүгінге дейін 66 мыңнан астам палестиналықты өлтірді.
Газаның басым бөлігін қиратқан Израиль жергілікті тұрғындардың көбін қоныс аударуға мәжбүрледі.
