Пәкістанның сауда астанасы Карачиде жексенбі күні АҚШ пен Израильдің бірлескен шабуылында Әли Хаменеидің қаза тапқанына наразылық білдірген ашулы топ пен полиция арасында қақтығыс шықты. Ресми өкіл бұл оқиғада кем дегенде тоғыз адамның қаза тауып, көптеген адамның жараланғанын растады.
Полиция күштерінде қызмет ететін хирург, доктор Сумайя Сайед «Анадолы» агенттігіне берген сұхбатында оқ жарақаты бар алты адамның мәйіті ауруханаға жеткізілгенін айтты.
Жүздеген шеруші қаланың оңтүстік бөлігіндегі АҚШ миссиясына қарай бет алған кезде полиция көз жасаурататын газ қолданып, аспанға оқ атты. Әлеуметтік желілерде тараған бейнежазбаларға қарағанда, ондаған шеруші консулдық ғимаратына басып кіріп, қабылдау бөлімінің терезелерін сындырған.
Қақтығыстар хабар жазылған сәтте де жалғасып жатты. Жедел жәрдем және әлеуметтік көмек көрсететін «Эдхи» қорының төрағасы Файсал Эдхи тоғыз адамның қаза тауып, 30 адамның жараланғанын мәлімдеді.
