Түркия президенті Режеп Тайып Ердоған АҚШ Президенті Дональд Трамп және мұсылман елдерінің көшбасшыларымен Газа мәселесіне арналған кездесу «өте жемісті және оң нәтижелі» болғанын айтып, оның пайдалы болатынына үміт білдірді.
«Біз өте жемісті және оң нәтижелі кездесуді жаңа ғана аяқтадық. Мен қанағаттандым, нәтижесі пайдалы болсын», — деді Ердоған.
Екі көшбасшы Біріккен Ұлттар Ұйымының 80-ші Бас Ассамблеясы аясында өткен Газаға арналған аймақтық кездесуге қатысты.
Трамппен өткен саммит бейбітшілікке және бейбіт тұрғындарды қорғауға нақты қадамдар әкелуі мүмкін бе? деген сұраққа Ердоған жақын арада бірлескен декларация жарияланатынын айтты.
«Қорытынды декларация жақын арада жариялануы мүмкін. Трамп пен Тамимнің (Катар Әмірі Шейх Тамим бин Хамад әл-Тани) мәлімдемелерімен бүгінгі кештің нәтижесі анықталады», — деді ол.
Ортақ көзқарастар
Трамп журналистерге бұл жиналыстың «өте табысты» болғанын айтты.
«Біз Газаға қатысты өте жақсы кездесу өткіздік», — деді Трамп.
«Бұл өте табысты кездесу болды, Израильден басқа негізгі ойыншылар қатысты, Алайда алда Израильмен жиналыс болады. Газа тақырыбында шешім табамыз деп үміттенемін», — деді ол.
Жабық есік жағдайында өткен кездесудің нәтижелері туралы қосымша ақпарат берілмеді.
Ердоған бұл келіссөз палестиналықтар үшін маңызды нәтижелер әкеледі деп үміттенетінін айтып, аймақтық қатысушылардың рөлін маңызды деп атап өтті.
