САЯСАТ
2 ... минут оқылды
Түркия президенті Ердоған «Газада соғыс жоқ, бұл - геноцид" деді
Түркия басшысы жаһандық әрекетке шақырып, 23 ай бойы әр сағат сайын бір баланың қаза тауып жатқанын мәлімдеді.
Түркия президенті Ердоған «Газада соғыс жоқ, бұл - геноцид" деді
Президент Ердоған БҰҰ-да / AA
 

Нью-Йорктегі Біріккен Ұлттар Ұйымының Бас Ассамблеясында сөйлеген сөзінде Түркия президенті Ердоған Израильді Газада геноцид жасады деп айыптап, қанды қырғынды тоқтату үшін халықаралық қауымдастықты шұғыл әрекет етуге үндеді.

Ол «Бәріміздің көз алдымызда 700 күннен астам уақыт бойы Газада геноцид жалғасуда», – деді.

«Соңғы 23 айда Израиль әр сағат сайын бір баланы өлтіріп келеді. Бұлар жай сан емес; әрқайсысы – бір өмір, жазықсыз адам» деді ол.

Ердоған Газадағы гуманитарлық апаттың қазіргі заман тарихында теңдесі жоқ екенін айтып, екі-үш жасар балалардың анестезиясыз аяқ-қолынан айырылып жатқанын жеткізді.

Әлем лидерлеріне бағыттап ол «Бұл – адам баласының ең төмен құлдыраған сәті», – деді. «Газада соғыс жоқ, екі тарап жоқ. Бұл – оккупация, геноцид, жаппай қырып-жою саясаты» дед іол.

«Палестина халқының атынан сөйлеп тұрмын»

Түркия президенті Палестина мемлекетін мойындаған елдерге алғыс білдіріп, мойындамаған елдерді «еш кідірместен қимылдауға» шақырды.

Палестина президенті Махмуд Аббастың Нью-Йоркте болмауына өкінішін жеткізген Ердоған Түркияның «даусы өшірілген Палестина халқының атынан» сөйлеп тұрғанын атап өтті.

Ол Газада атысты дереу тоқтатуға, кедергісіз гуманитарлық көмек жеткізуге және Израильдің геноцид үшін жауаптыларын сотқа тартуға үндеді.

Ердоған Израильдің агрессиясын Газа мен оккупацияланған Батыс Шериядан Сирия, Иран, Йемен, Ливан және Катарға дейін кеңейтіп, аймақтық тұрақтылықты қатерге тігіп отырғанын айтты.

«Уәде етілген жер туралы әуестікпен әрекет ететін Израиль билігі экспансиялық саясаты арқылы аймақ бейбітшілігі мен адамзаттың ортақ жетістіктеріне қауіп төндіруде», – деді ол және Нетаньяхудың «бейбітшілікке де, тұтқындарды құтқаруға да ниеті жоқ» екенін қосты.

«Жәбір көрген палестиналықтардың жанынан табылыңыздар»

Түркия президенті әлем көшбасшыларын «адамзат атынан бүгін жәбірленген палестиналықтардың жанында берік тұруға» шақырды. Ол Израиль шабуылдарының әйел мен балалардың құқықтары, сөз бостандығы, теңдік және әділдік сияқты ең негізгі адам құқықтарын жойып жатқанын айтты.

Ердоған: «Балалар аштық пен дәрі-дәрмектің жоқтығынан қырылып жатқан әлемде тыныштық болуы мүмкін бе?» – деп сұрады. «Адамзат тарихы соңғы жүз жылда мұндай айуандықты көрген емес», – деді ол.

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»