Ресей Көлік министрлігінің мәлімдеуінше, жұма күні Ростов-на-Донудағы Оңтүстік Ресей әуе навигациясы филиалының әкімшілік ғимаратына дронмен шабуыл жасалғаннан кейін Ресейдің оңтүстігіндегі 13 әуежайдың жұмысы уақытша тоқтатылды.
Осыған сәйкес Астрахань, Владикавказ, Волгоград, Геленджик, Грозный, Краснодар, Махачкала, Магас, Минеральные Воды, Нальчик, Сочи, Ставрополь және Элиста әуежайларындағы қызмет тоқтатылды.
Министрлік “Telegram”-да жариялаған мәлімдемесінде шабуылдан кейін Ресейдің оңтүстігіндегі әуе қозғалысын басқару тәртібі қайта ұйымдастырылғанын хабарлады.
Министрлік: «Қызметкерлер қауіпсіз жерде, ал құзырлы органдар жабдықтардың жұмысқа жарамдылығын тексеруде», - деді.
Ресей мен Украина Мәскеудің 9 мамырдағы Жеңіс күні мерекесіне орай жариялаған екі күндік атысты тоқтату режимінің бұзылуына байланысты бір-бірін айыптап отыр.
Украина президенті Владимир Зеленский Ресейдің 850-ден астам ұшқышсыз ұшу аппаратымен шабуыл жасағанын айтса, Ресей Қорғаныс министрлігі атысты тоқтату режимінің 1 365 рет бұзылғанын мәлімдеді.
