Палестина премьер-министрі Мұхаммед Мустафа үкіметінің қоршаудағы Газа секторы бойынша жауапкершілікті өз мойнына алуға дайын екенін және басып алынған Батыс Шериямен мемлекеттік мекемелерді біріктіру үшін жұмыс істеп жатқанын айтты.
Мустафа АҚШ президенті Дональд Трамп Газадағы соғысты тоқтату жоспарын жариялағаннан кейін Рамаллада өткен Үкіметтің апта сайынғы отырысында мәлімдеме жасады. Ол үкіметтің Газаға шұғыл көмек көрсету, қалпына келтіру және қайта құру шаралары мен біраз уақыттан бері жалғасып келе жатқан ұлттық реформаларды жалғастыру сияқты барлық міндеттемелерді өз мойнына алуға дайын екенін атап өтті.
Дүйсенбі күні Палестина Трамптың Израильдің Газадағы соғысын тоқтату жоспарын құптап, АҚШ, аймақ елдері және басқа да серіктестермен бірге Газадағы соғысты жан-жақты келісім арқылы аяқтау үшін бірлесіп жұмыс істеуге уәде берді.
Трамп геноцид жасаушы Беньямин Нетаньяхумен өткізген бірлескен баспасөз мәслихатында жоспардың негізгі тармақтарын жариялады. Олардың ішінде израильдік тұтқындарды 72 сағат ішінде босату, атысты тоқтату және ХАМАС-тың қарусыздандырылуы бар.
Оның айтуынша жоспар Хамассыз Палестина әкімшілігін қоспай, Газаны басқару үшін дайындалатын жаңа әкімшілікке халықаралық бақылау орнатуды көздейді. Бұл құрылымға өзі төрағалық ететін халықаралық бақылау органы жетекшілік етпек.
Ұсынысқа сәйкес, Газа халықаралық өтпелі әкімшілігінің (GITA) кеңесі комиссарларды тағайындап, Газаның басқаруын күнделікті әкімшілік пен үйлестіруге жауапты атқарушы хатшылық арқылы қадағалайды. Құрылымның негізінде Батыс Шериядағы Палестина Ұлттық әкімшілігінен бөлек орган Палестина атқарушы билігі болады.
Мустафа барлық күш-жігердің нақты нәтижеге айналуы үшін әрі қауіпсіздік пен тұрақтылықты қамтамасыз ету мақсатында Газа мен Батыс Шериядағы ұлттық мекемелер мен қолданыстағы заңдарды біріктіруге бағытталған күш-жігерді тағы бір мәрте растады.
Сонымен қатар премьер-министр қыркүйекте қабылданған Нью-Йорк декларациясына, Палестина мемлекетінің мойындалуына және одан кейінгі халықаралық бастамаларға назар аударды. Ол бұл үдерістерді «Палестина Ұлттық әкімшілігін әлсірету әрекеттеріне қарсы тұруға, тәуелсіз Палестина мемлекетін құру жолын нығайтуға және палестиналықтардың бостандық пен тәуелсіздікке деген ұмтылысын жүзеге асыруға негіз етіп алу қажет»,- деді.
Сауд Арабиясы мен Франция тең төрағалық еткен декларация халықаралық қауымдастықтың екі мемлекет шешіміне адалдығын қайта растады және қатысушылар бейбітшілік бастамасын жүзеге асырды.
