Марк Рютте НАТО-ның қорғаныс өнеркәсібі Түркиядан көп нәрсе үйрене алатынын айтып, Түркияның қорғаныс өнеркәсібінде революция жасағанын мәлімдеді.
Түркияның жетекші қорғаныс компанияларының бірі «Aselsan» ғимаратында сөз сөйлеген Рютте бұл саланың Түркияның соңғы жылдардағы қарқынды дамуы мен ілгерілеуінен көп нәрсе үйрене алатынын айтты.
Ол: «Біз бұдан да жақсырақ әрі көбірек жұмыс істеуіміз керек. Түркияның жетістіктерінен көп нәрсе үйрене аламыз. Бұрын да айтқанмын, Түркия қорғаныс өнеркәсібінде революция жасады», - деді.
Рютте шілде айында Анкара қаласында өтетін НАТО көшбасшылар саммиті алдында Түркияға келді.
Сапар аясында НАТО Бас хатшысы Режеп Тайып Ердоғанмен кездеседі. Бұған дейін олар телефон арқылы сөйлесіп, аймақтық, жаһандық және одаққа қатысты мәселелерді талқылаған.
Ердоған АҚШ пен Израильдің Иранға қарсы соғысына байланысты шиеленістің күшеюі тұрақсыздықты тереңдетуі мүмкін екенін ескертіп, халықаралық қауымдастықты қақтығысты тоқтатуға күш салуға шақырды.
Сонымен қатар ол НАТО-ның Түркияның әуе қорғанысына көрсеткен қолдауын атап өтіп, соңғы уақыттағы ынтымақтасық одақтың қорғаныс әлеуеті мен ықпалын дәлелдегенін айтты.
НАТО 28 ақпаннан бері жалғасып жатқан АҚШ, Израиль-Иран қақтығысы кезінде Түркия әуе кеңістігіне кірген баллистикалық оқ-дәрілерді залалсыздандырды және одақтың жедел үйлестіру қабілетін айқын көрсетті.
