Мәжіліс төрағалығы таратқан мәлімдемеге сәйкес, 7–8 шілде күндері Анкарада өтетін НАТО мемлекет және үкімет басшылары саммиті қарсаңында НАТО-ға мүше елдердің парламент төрағалары мен делегациялары Стамбулда бас қосады.
Стамбулдағы саммитке 32 одақтас елдің парламент төрағалары мен делегация басшыларымен қатар НАТО Парламенттік ассамблеясының (NATO PA) төрағасы Маркош Перештреллу, НАТО PA Президенттік бюросының мүшелері және өзге де жоғары лауазымды өкілдердің қатысуы жоспарланған.
Жиынның мақсаты — одақтас елдер арасындағы парламенттік үйлестіру мен диалогты нығайтуға үлес қосу.
Стамбулдағы НАТО Парламенттік саммиті АҚШ пен Бельгияда өткен кездесулерден кейінгі үшінші саммит болмақ.
Түркия президентінің қатысушылармен кездесуі жоспарланған
НАТО парламент спикерлерінің саммиті 29 маусым дүйсенбі күні Долмабахче сарайында өтеді. Жиында парламент төрағалары мен делегация басшылары сөз сөйлейді.
Саммит аясында берілетін ресми түскі ас барысында Түркия президенті Режеп Тайып Ердоғанның қатысушылармен кездесіп, сөз сөйлеуі жоспарланған.
