Түркия Президенті Режеп Тайып Ердоған сейсенбі күні АҚШ Президенті Дональд Трамп пен пен жұбайы Мелания Трамп тарапынан мемлекет басшылары мен олардың жұбайлары құрметіне ұйымдастырылған іс-шараға қатысты.
Ердоғанға Нью-Йорктегі БҰҰ Бас Ассамблеясының 80-ші сессиясы аясында «Lotte Palace Hotel”-де өткен іс-шарада жұбайы Емине Ердоған серік болды. Қабылдау БАҚ-қа жабық түрде өтті.
Сонымен қатар БҰҰ «Нөлдік қалдық» Жоғары деңгейлі тұлғалар консультативтік кеңесінің төрағасы болып табылатын Емине Ердоған Мелания Трамп ұйымдастырған лидерлердің жұбайларына арналған кездесуге қатысты. Кездесуде Емине Ердоған әртүрлі мемлекет басшыларының жұбайларымен балалар, әйелдер, қоршаған орта және мәдениет тақырыптарында әңгімелесті.
Одан бөлек Емине Ердоған Габон Президенті Брис Клотер Олиги Нгеманың жұбайы Зита Олиги Нгемамен Түрік үйінде кездесті. Кездесу барысында Нгема «Нөлдік қалдық» жобасынан шабыт алып, бұл салада Түркиямен ынтымақтастық орнатуға ниетті екенін айтты.
Түрік үйінде Түркия Президентінің жұбайы сондай-ақ Косово Президенті Вьоса Османидің жұбайы Приндон Садриумен кездесті. Түркиялық әлеуметтік медиа платформасы “Nsosyal”-да екі тараптың Түркия мен Косово арасындағы қатынастарды дамытуға ықпал ететін тақырыптарда ынтымақтастықтың маңызын атап өткенін білдірген ол: «Мұндай жақын диалогтардың Түркия мен Косово арасындағы байланыстарды одан әрі нығайтуына үміттенеміз», – деді.
