Билік өкілдерінің хабарлауынша, Украинаның Запорожье облысының Ресей бақылауындағы оңтүстік бөлігіне түн ішінде жасалған украиналық ұшқышсыз ұшу аппараты шабуылы салдарынан бір адам қаза тапқан.
Түнгі уақытта Ресейдің “VK” әлеуметтік желісінде жарияланған видеода өрт сөндірушілер дрон соққысына ұшырады деп хабарланған жанып жатқан тұрғын үйді сөндіруге тырысып жатқаны көрінеді.
Васильевка муниципалитетінің өкілі Наталья Романиченко Ресейдің мемлекеттік “ТАСС” агенттігіне берген сұхбатында: «10-нан астам жаралы бар, ал түнде бір әйелдің мәйіті табылды», - деді.
Ресей болса Украинаның солтүстік-шығысындағы Харьков облысын нысынаға алған. Ресейдің Велика Бабка ауылына жасаған шабуылы салдарынан үш адам жараланды.
Украинаның Төтенше жағдайлар қызметі жексенбі күні “Telegram” арқылы жасаған мәлімдемесінде: «Ресей күштері кеше түнде төтенше жағдайлар қызметінің топтарын нысанаға алған шабуыл жасады», - деді.
Мәлімдемеге сәйкес, алғашқы ұшқышсыз ұшу аппаратының шабуылы бір үйдің өртенуіне себеп болып, үш адамды жаралаған. Өртті сөндіруге жіберілген өрт сөндіру көлігіне Ресейдің екінші рет соққы берген. Украиналық билік «қосарланған шабуыл» деп атайтын мұндай шабуылдарда Ресей әуелі бір нысанаға соққы жасап, артынан қысқа уақыт ішінде сол жерге тағы бір шабуыл ұйымдастырып, көмек көрсету топтарын нысанаға алады.
Жұмадан сенбіге қараған түні Ресейдің Украинаға зымырандармен және ұшқышсыз ұшу аппараттарымен жасаған шабуылы салдарынан 12 адам қаза тапты. Ал Ресей зымыраны бес қабатты тұрғын үйге тиген Харьков қаласында кемінде 10 адам көз жұмды.
Украина президенті Владимир Зеленский жексенбі күні әлеуметтік желідегі жазбасында Ресей өткен аптада Украинаға шамамен 1 750 дрон, 1 530 басқарылатын бомба және 39 зымыранмен соққы бергені хабарланды.
