БҰҰ Бас хатшысының баспасөз хатшысы Стефан Дюжаррик Нью-Йорктегі БҰҰ штаб-пәтерінде өткен күнделікті баспасөз мәслихатында мәлімдеме жасады.
Дюжаррик Киев пен Украинаның басқа қалаларына дрондар мен зымырандар арқылы жасалған әуе шабуылдарына қатысты: «Бұл — елді мекендерге жасалып жатқан шабуылдардың күшеюінің алаңдатарлық үрдісін көрсететін тағы бір қайғылы мысал», - деді.
«Бас хатшы Ресей Федерациясы қарулы күштерінің астана Киевке және Украинаның басқа да қалалық орталықтарына жасаған ауқымды зымырандық және ұшқышсыз ұшу аппараттары шабуылдарын қатаң айыптайды», - деген Дюжаррик шабуыл салдарынан ондаған бейбіт тұрғынның қаза тапқанын, сондай-ақ азаматтық нысандар мен инфрақұрылымға айтарлықтай зиян келгенін айтты.
«Бас хатшының бұл қақтығыстың, соның ішінде Ресей Федерациясының аумағында да одан әрі өршуіне қатты алаңдайды», - деді Дюжаррик.
Ол мұндай шабуылдардың халықаралық гуманитарлық құқықты анық бұзатынын атап өтті. Сондай-ақ Гутерриштің «дереу және ешқандай шартсыз атысты тоқтатуға» шақырғанын жеткізді.
Украина президенті Владимир Зеленский кеше таңертең Киевке жасалған шабуылдан 12 адамның қаза тауып, 40 адамның жараланғанын мәлімдеген еді.
Киев мэрі Виталий Кличко Ресей армиясының шабуылдарына байланысты Киевте 21 тамыз аза тұту күні болып жарияланғанын хабарлады.
