Бұл туралы Қазақстанның Энергетика министрі Ерлан Ақкенженов баспасөз мәслихатында мәлімдеді.
Министр Ресей мұнайын «Конденсат» зауытында өңдеу жөнінде екі ел арасында келісім жасалғанын хабарлады.
Ақкенженовтің айтуынша, өңделген мұнайдан алынатын өнімнің шамамен 30 пайызы Қазақстанның ішкі нарығында қалады, ал қалған бөлігі Ресейге жөнелтіледі.
Ол Ресей мұнайы зауытқа темір жол арқылы жеткізілетінін айтып, кәсіпорынның географиялық орналасуына байланысты Қазақстанның да, Ресейдің де мұнай құбыры желісіне қосылмағанын атап өтті.
«Зауыт тұйық аймақта орналасқан әрі Ресей Федерациясына жақын. Сондықтан бәрі темір жол тасымалының мүмкіндігіне байланысты болады», — деді Ақкенженов.
Ресей мұнайын жеткізу жақын арада басталуы мүмкін
Ресей мұнайын Батыс Қазақстан облысындағы «Конденсат» мұнай өңдеу зауытына жеткізу жақын арада басталуы мүмкін.
Қазір зауытта қайта жаңғырту және өндірістік қуатты арттыру жұмыстары жалғасуда.
