Түркия президенті Режеп Тайып Ердоған бейсенбі күні Анкарада өткен «Отбасы және мәдениет‑өнер симпозиумында» сөйлеп, отбасы институтына төніп тұрған қиындықтарды атап өтті.
Отбасы институтына қатысты мәселелерге назар аударып, Ердоған «Біз гендерлік бейтараптық пен ЛГБТК қозғалыстарына қарсы шаралар қабылдап жатырмыз, ешқандай жеңілдікке немесе салғырттыққа жол бермейміз» деді.
Ол әлемде ғаламдық капитализм,, мәдени империяшылдық пен цифрлық қоршау күшейіп жатқан кезеңде Түркияның отбасын сақтап қалуға бел буғанын баса айтты.
Президент сонымен қатар демографиялық дағдарыс туралы ескертіп, «Біз қазір апатпен бетпе‑бет келіп отырмыз» деді. Ресми деректер бойынша елдегі жалпы туу көрсеткіші өткен жылы 1,48-ге төмендеген.
Ердоған “Төмендеп бара жатқан туу көрсеткіші болашағымыз үшін қауіпті және «бұған салғырт қарай алмаймыз» деді.
Мамыр айында Ердоған Стамбулда өткен Халықаралық отбасылар форумында 2026 жылдан 2035 жылға дейінгі кезеңді «Отбасы және халық онжылдығы» деп жариялайтынын мәлімдеген болатын.
Ердоған «Отбасынан бөлектену мен жалғыздықты модернизация ретінде қабылдайтын көзқарас жеке адамға да, қоғамға да тыныштық әкелмейді» деді.
«Бұл өмір салты біздің қоғамның тініне тез сіңіп бара жатыр», — деді ол.
Басқа елдер де ЛГБТК қозғалысына қарсы шаралар қабылдады.
2023 жылы Ресей «халықаралық ЛГБТ қозғалысына» тыйым салды.
Қазіргі уақытта Венгрия, Болгария, Аргентина, Индонезия мен Грузия сияқты елдер отбасылық құндылықтарды ЛГБТ ықпалынан қорғауға бағытталған шаралар қабылдаған.
Сонымен қатар Африка құрлығында 30-дан астам, Азияда 22 ел, Америкада алты және Океанияда алты ел гендерлік бейтараптықты енгізуге қарсы қатаң шаралар қолдануда.
