Қырғызстанның астанасы Бішкекте орналасқан Қырғызстан-Түркия «Манас» университетінің (ҚТМУ) ұйытқы болуымен «Халықаралық 6-шы Түркі әлемі коммуникация және өнер симпозиумы» басталды.
Түркі әлемінің кең-байтақ географиясынан ғалымдарды, журналистерді, продюсерлерді, режиссерлерді және мәдениет-өнер әлемінің көрнекті тұлғаларын бір арнаға тоғыстырған симпозиумда түркі әлеміндегі жасанды интеллект, дезинформация, цифрланып жатқан медиа, кино, қоғамдық хабар тарату, қоғамдық дипломатия, бейнелеу өнері, сондай-ақ цифрлық дәуірдегі әлеуметтік бірегейлік пен дәстүрлі мәдениеттің трансформациясы сияқты салалардағы өзекті мәселелер сарапқа салынады.
Түркі әлемі 11-ші деректі фильм фестивалінің марапаттары табысталды
Шара аясында Түркі әлемі журналистер федерациясы тарапынан биыл алғаш рет ұйымдастырылған «Түркі әлемі мәдениет және өнердегі жетістік марапаттары» да өз иелерін тапты.
Сондай-ақ шарада Түркі әлемі 11-ші деректі фильм фестивалінде марапатқа лайық деп танылған студенттер мен шебер режиссерлерге жүлделері табысталып, үздік шыққан фильмдердің көрсетілімі өтті.
