Қазақстанның елордасы Астанада ұйымдастырылған халықаралық білім беру бағдарламасында түрік және қазақ мұғалімдер бас қосты.

Түрік ынтымақтастық және координация агенттігінің (TİKA) қолдауымен, Түркия Республикасы Ұлттық білім беру министрлігі мен Астана қаласы әкімдігінің Білім басқармасы ынтымақтастығында өткізілген бір апталық білім беру бағдарламасы аяқталды.

Білім беру бағдарламасы шеңберінде Ұлттық білім беру министрлігінен іссапармен келген 6 маман Қазақстан бойынша қызмет ететін 120 мұғалімге түрлі тақырыптарда дәріс берді.

Педагогтар аталған дәрістерде оқытудың заманауи тәсілдерін теориялық біліммен және практикалық шаралармен бекітуге мүмкіндік алды.

Бағдарламаның соңғы күнінде «Интеграцияланған оқыту және үйрету модельдеріне кіріспе» тренингіне қатысқан мұғалімдер сабақ барысында меңгерген білімдері мен дағдыларын пайдалана отырып, өз пәндеріне арналған төл оқу сценарийлерін дайындады, сонымен бірге ұйымдастырылған жобалар көрмесінде осы жұмыстарын таныстырып, өзара тәжірибе мен пікір алмасуға мүмкіндік алды.

Сертификат тапсыру рәсімінде сөз сөйлеген TİKA Астана бағдарлама координаторы Фуат Ердоғмуш білім беру саласындағы ынтымақтастықтың екі ел арасындағы достық пен бауырластық байланыстарды одан әрі нығайтқанын атап өтті.