Түркия Энергетика және табиғи ресурстар министрі Алпарслан Байрактар “Ирак-Түркия мұнай құбыры арқылы мұнай тасымалы сенбі күні жергілікті уақыт бойынша таңғы 7:07-де (0407GMT) қайта басталды”, деп хабаралады.
Министрдің айтуынша, құбыр 2023 жылдың 6 ақпанындағы жер сілкіністерінен кейін тоқтатылған болатын, ал Түркияның мемлекеттік құбыр операторы “BOTAŞ” оны қазан айында қайта іске қосуға дайындады. Бұл туралы министр Байрактар “NSosyal” әлеуметтік желісінде хабарлады.
Ирактың ресми жаңалықтар агенттігі “INA” сенбі күні Ирактың солтүстігіндегі күрд аймақтық үкіметінің мұнай кен орындарынан мұнай экспорты қайта басталғанын хабарлады.
Эрбильдегі “Rudaw TV” мәліметінше, мұнай экспорты Фишхабур мұнай кен орнында әкімшілік басшылары, Ирак орталық үкіметі және мұнай компаниялары өкілдерінің қатысуымен қайта басталды.
Бейсенбі күні Ирак премьер-министрі Мұхаммед Шиаа әл-Судани Ирактың солтүстігіндегі кен орындарында өндірілген мұнайдың Ирак-Түркия құбыры арқылы экспортталатынын мәлімдеген болатын.
Судани “Бүгін біз тарихи келісімге қол жеткіздік, оған сәйкес Ирактың Мұнай министрлігі солтүстіктегі кен орындарында өндірілген шикі мұнай Ирак-Түркия құбыры арқылы экспортталады,” - деген еді.
