Түркия президенті аппараты жанындағы Коммуникация басқармасының мәлімдемесіне сәйкес, президент Режеп Тайып Ердоған бейсенбі күні Солтүстік Кипр Түрік Республикасының президенті Туфан Ерхүрманмен кездесуі барысында кейбір еуропалық елдер Ирандағы соғысты сылтау етіп Кипрге орналастырған әскери күштер бұл жерде тұрақты қалмауы керек екенін айтты.
Сонымен қатар президент Ердоған Түркияның Солтүстік Кипр Түрік Республикасын қорғау үшін қажет барлық шараны қабылдауға қолдануға дайын екенін атап өтті.
Мәлімдемеде Ердоған мен Ерхүрман екіжақты қатынастар мен өңірлік мәселелерді талқылағаны хабарланды.
Стамбулда өткен бұл кездесуге Ұлттық барлау ұйымының басшысы Ибрахим Калын, Сыртқы саясат және қауіпсіздік жөніндегі бас кеңесші Акиф Чағатай Кылыч, Түркия президенті аппараты жанындағы Коммуникация басқармасының басшысы Бурханеттин Дуран және бас кеңесші Зафер Чубукчу де қатысты.
