Сирия үкіметі АҚШ шамамен 10 жылдан кейін шегінген соң Ирак пен Иордания шекаралары түйіскен жердегі стратегиялық Әл-Танф базасын бақылауға алды.

Сирия үкіметіне жақын дереккөздер сәрсенбі күні Aнадолы агенттігіне Сирия армиясының базаны бақылауға алып, сонда орналаса бастағанын хабарлады.

АҚШ күштерінің Иордания мен Сирия арасындағы шекарада демилитаризацияланған аймаққа жақын, Әл-Танфтан 22 шақырым қашықтықта орналасқан «Tower 22» базасына шегінгені айтылды.

Әл-Танф базасында шамамен 200 америкалық әскери қызметкер болғаны айтылғанымен, «Tower 22»-дегі АҚШ қызметкерлерінің нақты саны туралы  расталған дерек жоқ.

АҚШ 2017 және 2018 жылдары кеңейтілген Әл-Танф базасын және онда орналастырылған бақылау аэростаттарын Иордания шекарасынан Евфрат өзеніне дейін созылған жүздеген шақырымдық аймақта Иран қолдайтын топтар мен ДАИШ террористік ұйымының әскери әрекеттерін бақылау үшін пайдаланған.