Венесуэла президенті Николас Мадуро он күн бұрын АҚШ президенті Дональд Трамппен Латын Америкасына АҚШ әскерін шоғырландыру мәселесіне қатысты телефон арқылы сөйлескенін растады.
Мадуро сәрсенбі күні мемлекеттік телеарнаға берген сұхбатында: «Мен АҚШ президенті Дональд Трамппен сөйлестім. Әңгімеміздің өзара құрметпен, тіпті шынайы өткенін айта аламын. Егер бұл кездесу елдер арасындағы құрметке негізделген диалогқа қадам басылғанын білдіретін болса, біз диалог пен дипломатияны қуана қабылдаймыз, өйткені біз әрқашан бейбітшілікті жақтаймыз», -деді.
Трамп жексенбі күні Мадуромен телефон арқылы сөйлескенін растады, бірақ қосымша ақпарат бермеді. Трамп: «Жақсы немесе жаман өтті деп айта алмаймын. Бұл жай ғана телефон әңгімесі болды», -деді.
Вашингтон Мадуроны «Күн картелі» деп аталатын құрылымның басшысы деп айыптап, 24 қарашада бұл ұйымды террорлық ұйым деп жариялады. Сондай-ақ Мадуроны ұстауға мүмкіндік беретін ақпарат үшін 50 миллион доллар сыйақы белгіленгені хабарланды.
