Грузия соты елдің бұрынғы президенті Михаил Саакашвилиді шекараны заңсыз кесіп өтті деп айыптап, 4 жыл 6 айға бас бостандығынан айырды. Осылайша батысшыл саясаткердің жалпы жазасы 12,5 жылға ұзарды.

57 жастағы Саакашвили 2018 жылы қызметін асыра пайдалану айыбымен сырттай 6 жылға сотталған, өткен аптада мемлекеттік қаражатты заңсыз жұмсады деген айыппен 9 жылға бас бостандығынан айырылған болатын.

2021 жылы елге оралғаннан кейін жазасын өтеуге кіріскен Саакашвили адвокаты Дито Садзаглишвилидің айтуынша "Украинадан Грузияға жасырын түрде оралғаны үшін" 4 жыл 6 ай түрме жазасына кесілді.

Судья Михаил Джинджолия "Жазаларды біріктіргенде Михаил Саакашвилидің жалпы бас бостандығынан айыру мерзімі 12 жыл 6 ай деп белгіленді" деп мәлімдеді.