«The Wall Street Journal» (WSJ) газетінің мәселеге жақын дереккөздерге сілтеме жасап хабарлауынша, АҚШ президенті Дональд Трамптың күйеу баласы әрі арнайы өкілі Джаред Кушнер соңғы айларда жабық есік жағдайында жүргізілген Украина бойынша бейбіт келіссөздерде «Украинаның Ресейге жер беруі есебінен НАТО-ға мүше болуы» идеясын күн тәртібіне әкелген.
Трамптың көпшілік алдында жасаған мәлімдемелерінде Украинаның НАТО-ға мүшелігін жоққа шығарғанына назар аударған дереккөздер соған қарамастан Кушнер мен Трамптың Бейбітшілік жөніндегі арнайы өкілі Стив Уиткоффтың соңғы кездесулерде бұл тақырыпты жиі қозғағанын жеткізді.
Күн тәртібінде 2 сценарий бар
Дереккөздер бұл мәселенің соңғы рет өткен аптада Дублинде Кушнер мен Уиткоффтың Украина президенті Владимир Зеленскиймен өткізген кездесуінде талқыланғанын атап өтті.
АҚШ-тың соңғы кездесулерде 2 сценарийді ұсынғанына назар аударған дереккөздер олардың алғашқысы НАТО мүшелігі есебінен Украинаның Донбасс аймағының бақылауын Ресейге беруі екенін мәлімдеді.
Дереккөздер екінші сценарийдің Донбасс Украинаның қарамағында қалатындай етіп қақтығысты тоқтату және Украинаға АҚШ пен Еуропа елдерімен жасалатын келісім арқылы Ресей шабуылдарына қарсы қауіпсіздік кепілдіктерін беру екенін атап көрсетті.














