Түркия Ұлттық барлау ұйымының басшысы Ибрахим Калын Ирактың Керкүк қаласына барып, тарихи Керкүк қамалын аралады.
Калынды Керкүк халықаралық әуежайында Керкүк әкімі және Ирак Түрікмен майданының төрағасы Мұхаммед Семан Аға қарсы алды.
Керкүктегі сапарын Керкүк қамалынан бастаған Калын мұндағы тарихи орындарды көріп, түрік шейіттерінің зиратына тағзым етті.
Одан кейін Ибрахим Калын Ирак Түрікмен майданының бас кеңсесіне ат басын бұрып, түрікмен жетекшілерімен кездесті.
Барлау басшысы Калын Керкүк әкімі Мұхаммед Семан Ағамен де Керкүк уәлаяты әкімдігі ғимаратында ресми кездесу өткізді.
Айта кетейік, Калын кеше бас қала Бағдатта Ирак президенті Низар Амедиді қоса алғанда, бірқатар жоғары лауазымды тұлғамен бас қосқан болатын. Бұл келіссөздер барысында Түркия мен Ирак арасындағы қауіпсіздік пен барлау саласындағы ықпалдастықты нығайту мәселелері талқыланды.
