Микаллеф Страсбургтегі (Франция) Еуропалық Парламенттің (ЕП) Бас Ассамблеясында өткен «Әлеуметтік медиа тудыратын қауіптерден балалардың қауіпсіздігі мен психикалық саулығын қорғау» атты отырыста сөз сөйледі.
Экран алдындағы шамадан тыс уақыт пен әлеуметтік медианы пайдаланудың барған сайын үлкен алаңдаушылық тудырып отырғанын баса айтқан Микаллеф: «Бұл — Еуропада біз бетпе-бет келіп отырған жастардың психикалық саулық дағдарысының басты себептерінің бірі», — деді.
Тек ересектерге арналған мазмұны бар деп көрсетілген платформалар балалардың өз жасына сәйкес келмейтін контентке қол жеткізуіне мүмкіндік берген жағдайда, бұған жауапты болуы керектігін атап өткен Микаллеф порнографиялық сипаттағы 4 интернет сайтына қатысты мәлімет бар екеніне назар аударды.
Микаллеф: «Әрине бұл платформалардың қазір өздерін қорғауға мүмкіндігі мен құқығы бар, бірақ Комиссияның тұжырымдары расталса, біз (ЕО ережелеріне) сәйкес келмеушілік туралы шешім қабылдай аламыз», — деді.
Мүше мемлекеттерді Комиссияның жасты растау цифрлық қосымшасын пайдалануға шақырған Микаллеф 2026 жылдың соңғы тоқсанында жариялануы жоспарланған «Цифрлық ашықтық туралы» заң балалардың онлайн ортада қорғалуын күшейтетінін айтты.
Сонымен қатар Еуропалық Комиссия порнографиялық мазмұндағы 4 интернет сайтының балаларға өз жасына сәйкес келмейтін контентке қол жеткізуге рұқсат беруіне қатысты тергеу жүргізіп жатыр.
«Нағыз бостандық — баланың қауіп-қатерге ұшырамай, тәуелсіз өсуі»
Отырыста сөз алған ЕП-тегі екінші ең үлкен топ — Социалистер мен Демократтар төрағасының орынбасары Алекс Агиус Салиба әлеуметтік медианы шамадан тыс пайдалану балалардың дамуына кері әсер ететінін білдіріп, «Бұл — індет. Шұғыл әрекет ету қажет», — деді.
Парламенттегі «Еуропаны жаңарту» (Renew Europe) тобының жетекшісі Валери Айе де балалардың әлеуметтік медианы пайдалануы салдарынан «қауіп астында» екенін атап өтті.
