Түріктің ұшқышсыз ұшақ өндірушісі «Baykar» компаниясы сенбі күні Дмитрий Шостаковичтің «№2 вальс» туындысының сүйемелдеуімен дайындалған таныстырылым бейнеролигі арқылы «K2» жаңа камикадзе ұшқышсыз ұшағын таныстырды.
Ұшу мен нысананы көздеу озық жасанды интеллект жүйелерімен жабдықталған «K2» жасанды интеллект негізіндегі визуалды қабылдау технологиясының арқасында навигация, нысананы анықтау және шабуылдау процестерінде автономиялы топтық (сүйірленіп ұшу) операцияларын жүзеге асыра алады.
Ұшқышсыз ұшақтың ұшу қашықтығы 2 000 шақырымнан асатыны, 200 килограммдық тұмсықты таси алатыны және ең жоғарғы ұшу салмағы 800 килограмм екені атап көрсетілді. Көптеген тапсырманы орындауға арналған бұл жүйенің қысқа немесе дайындығы жоқ ұшу жолақтарынан көтеріле алатыны да айтылды.
Әлемнің көптеген еліне ұшқышсыз ұшақ экспорттайтын «Baykar» компаниясының қазіргі өнімдерінің қатарында тактикалық кластағы «Bayraktar TB2», жоғары биіктіктегі «Bayraktar Akıncı», кемелерден ұшып шыға алатын «Bayraktar TB3» және реактивті қозғалтқышты «Bayraktar Kızılelma» бар.
