“Оңтүстік Корея мен НАТО киберқауіпсіздік саласындағы ынтымақтастықты жақсарту бойынша жоғары деңгейдегі келіссөз өткізді”, деп хабарлайды “Yonhap News Agency”, елдің Сыртқы істер министрлігіне сілтеме жасап.
Киберқауіпсіздік бойынша келіссөз бейсенбі күні Сеулде өтті. Оған Оңтүстік Кореяның халықаралық кибер мәселелері жөніндегі елшісі Ли Тэ У және НАТО бас хатшысының инновация, гибрид және кибер мәселелері жөніндегі көмекші Жан-Шарль Эллерман-Кингомбе жетекшілік етті.
Екі тарап кибершабуылдарға қарсы күресте ынтымақтастықты күшейтуге және Үнді-Тынық мұхиты мен Еуро-Атлантика аймақтарындағы киберқауіпсіздік қауіптерін талқылауға келісті.
Оңтүстік Корея мен НАТО 2023 жылы киберқауіпсіздік саласындағы ынтымақтастықты нығайту мақсатында жоғары деңгейдегі кибер диалогты бастаған болатын.
Бұл келіссөз Оңтүстік Кореяның Қорғаныс министрі Ан Гю-бэк пен НАТО Әскери комитетінің басшысы Джузеппе Каво Драгоне Сеулдегі Қорғаныс диалогы барысында қорғаныс және қорғаныс өнеркәсібі саласындағы ынтымақтастықты нығайту жолдарын талқылағаннан кейін өткізілді.
