Түркия Республикасының президенті Режеп Тайып Ердоғанның жары Емине Ердоғанның қолдауымен ұйымдастырылған

Емине Ердоғанның қамқорлығымен БҰҰ Бас Ассамблеясы аптасында Таймс-скверде және Түрік Үйінің алдында америкалықтарға ұсынылған симит пен шай үлкен қызығушылық тудырып, Анадолының бөлісу мәдениеті мен жылулығы мыңдаған адамға таныстырылған еді. Сол күні Нью-Йорк көшелерінде басталған таныстырылым бүгінде 50 штатқа таралған, 608 филиалы бар ірі желінің сөрелерінде жалғасын табуда.

Түрік ас мәдениетінің ең танымал өнімдерінің бірі саналатын симит дүкен желілерінің мұздатылған тағам бөлімінде дәл осы атаумен сатылып жатыр.

Түрік симитіне арнап дүкен дайындаған жарнамада «Түркия дәмдерін үйіңізде татқыңыз келсе, сізді түрік күнжіт наны — симитпен таныстырайық» деген жазу бар.

Жарнамада өнімді қалай пісіру және тұтыну керектігі туралы да толық ақпарат берілген. Яғни «Біздің симиттеріміз Анкара үлгісінде, шағын көлемде, ыңғайлы мөлшерде және қытырлақ құрылымға ие етіп өндірілді» делінген.

Симиттің түрік өнімі ретінде АҚШ нарығына қуатты азық-түлік желісі арқылы енуі түрік гастрономия әлемі үшін маңызды жетістік болып саналады.

Бұған дейін түрік кәсіпкерлері арқылы шағын көлемде АҚШ азық-түлік нарығына енген симиттің бұл жетістікпен ел көлеміне жайылып, танымалдығының арта түсуі күтілуде.

Таймс-скверде БҰҰ-ның 80-ші Бас Ассамблеясы апталығы аясында өткен іс-шарада алаңға жиналған америкалықтар симит пен шай таратуды қызығушылықпен қабылдап, түрік дәмдерімен қатар Анадолының бөлісу мәдениеті мен шынайылығын да сезіну мүмкіндігіне ие болған еді.

Таймс-сквердегі шара кеңінен талқыланып, алғаш рет татып көрген америкалықтар симитті «қатты ұнатқандарын» айтқан болатын.

Емине Ердоған сондай-ақ Түрік Үйінің жанында құрылған симит стендін аралап көріп, симиттің АҚШ-та кеңінен тұтынылатын bagel-ге бәсекелес екенін атап өткен еді.