Ресейдің жоғары лауазымды билік өкілі Түркияның мегаполисі Стамбул Мәскеу мен Киев арасындағы келіссөздердің негізгі алаңына айналғанын және екі ел осы айдың басында үш жылдан кейінгі алғашқы тікелей келіссөздерін өткізгенін айтты.

«ТАСС» мемлекеттік ақпарат агенттігінің хабарына қарағанда Ресей Қауіпсіздік кеңесінің хатшысы Сергей Шойгу бейсенбі күні Түркия Ұлттық қауіпсіздік кеңесінің бас хатшысы Окай Мемишпен кездесуінде «Стамбул Қаратеңіз келісіміне, астық келісіміне енді Ресей-Украина келіссөздеріне қатысты барлық саладағы келіссөздердің негізгі алаңына айналуда», - деді.

Хабарда Шойгудың Түркия басшылығына Ресей мен Украина арасында тікелей келіссөздер алаңын қамтамасыз еткені үшін алғыс айтқаны да атап өтілді.

Шойгу «Біз Анкараның делегациялардың жұмыс істеуі үшін ең қолайлы жағдай жасап, қауіпсіздікті қамтамасыз ету үшін айтарлықтай күш салғанын білеміз», - деді.

Ресей мен Украина 16 мамырда Стамбул қаласында үш жылдан кейінгі алғашқы тікелей келіссөздерін өткізіп, екі тараптан жалпы саны 1000 адамды қамтитын ауқымды тұтқын алмасу туралы өзара келісімге келді.

Түркияның ықпалымен өткен бұл кездесу барысында тараптар атысты тоқтату үшін келіссөздерді жалғастыруға келісті.