Дональд Трамп бастаған Америка Құрама Штаттарының Еуропадан біртіндеп алыстауы нәтижесінде пайда болған бос орынды Түркия толтырып жатқаны баса айтылды. Бұл жағдай еуропалық астаналарды Анкарамен тығыз жұмыс істеуге итермелеп, Түркияның геосаяси ұстанымын бұрын-соңды болмаған деңгейде нығайтты.

Ұлттық Қорғаныс министрі Яшар Гүлер атап өткендей, Түркия енді тек аймақтық одақтас емес, Еуропа қауіпсіздігінің негізгі акторы ретінде қабылдана бастады. Анкараның әскери қуаты мен дипломатиялық маневр жасау қабілеті Еуропалық Одақ пен НАТО ішіндегі тепе-теңдікті өзгертті.

Президент Ердоған бастаған Түркияның әрі Батыспен, әрі Ресей және Иран сияқты актерлермен диалог орната алатын жалғыз «көпір ел» болуы халықаралық дағдарыстардағы аралық рөлін бекемдеді. Украина президенті Зеленский де қабылдағандай, Түркияның аймақтағы теңгерімдік рөлінің Еуропа үшін өмірлік маңызы бар.

ҰҰА технологиясы мен “Eurofighter” қадамы тепе-теңдікті өзгертті

Түркияның қорғаныс өнеркәсібіндегі қарқыны, әсіресе “Bayraktar TB2” сияқты ұшқышсыз ұшу аппараттарының ұрыс даласындағы жетістігі Еуропаның технологиялық таңдауына әсер етті.

Еуропалық комиссия төрайымы Урсула фон дер Ляйен көтерген «Еуропалық ҰҰА қабырғасы» жобасына Түркияның әлеуетті серіктес ретінде қатысу мүмкіндігі Афинада алаңдаушылық туғызды. Ұлыбритания премьер-министрі Кир Стармер қолдаған “Eurofighter” жойғыш ұшақтарын сату процесі және Түркияның көші-қон, энергетика мен қауіпсіздік мәселелеріндегі таптырмас рөлі Грекияның Эгей және Шығыс Жерорта теңізіндегі өз уәждерін қорғауын қиындатты.

Афина үшін қиын кезең басталды

Грек БАҚ-тарындағы талдауларға сүйенсек, Еуропаның қорғаныс саласындағы автономияға ұмтылуы аясында Франция, Германия және Ұлыбритания сияқты елдердің Анкарамен стратегиялық серіктестік орната бастауы Афинаның келіссөз жүргізу күшін әлсіретуі мүмкін. Аймақтағы тепе-теңдіктің Түркияның пайдасына жылдам өзгеруі Грекия үшін неғұрлым абайлап әрекет етуді және жаңа стратегиялық қадамдар жасауды міндетті етіп отыр.