Израиль күштері басып алынған Батыс Шерияның Рамалла қаласына қарасты Силуад елді мекеніне жасаған рейд кезінде 15 жастағы палестиналық жасөспірімді өлтірді. Әскерлер оқ-дәрі, көзден жас ағызатын газ және дыбыс гранаталарын қолданған. Қақтығыс барысында Ямен Самед Хамед есімді жасөспірім оққа ұшты. Бұл туралы Палестинаның «WAFA» ақпарат агенттігі бейсенбі күні жергілікті дереккөздерге сілтеме жасап хабарлады.
Дереккөздердің айтуынша, Израиль армиясы жаралы баланы алып кетуге келген жедел жәрдем көлігінің оқиға орнына жетуіне кедергі келтірген. Бала біраз уақыт жерде жатқаннан кейін ғана дәрігерлерге жақындауға рұқсат берілген. Кейін Рамаллада орналасқан Палестина медициналық кешені жасөспірімнің қаза тапқанын растады.
Палестиналық дереккөздерінің мәліметінше, 2023 жылдың қазан айынан бері басып алынған Батыс Шерияда Израиль шабуылдары айтарлықтай күшейген. Осы уақыт аралығында 1 062-ден астам палестиналық қаза тауып, шамамен 10 300 адам жараланған.
Өткен шілде айында Халықаралық сот Израильдің Палестина жерлерін басып алуын заңсыз деп танып, Батыс Шерия мен Шығыс Иерусалимдегі барлық еврей қоныстарын эвакуациялауға шақырған болатын.
