Трамп әлеуметтік желідегі парақшасында АҚШ Сенатында соғыс өкілеттіктері туралы заң жобасының дауысқа салынуына қатысты пікір білдірді.

Ол Иранды тығырыққа тірегенін, Тегеранның барлық нәрсеге келісуге дайын екенін және ондаған жылдан кейін алғаш рет АҚШ пен оның президентіне құрмет көрсетіп отырғанын алға тартты.

Трамп АҚШ Сенатының соғыс өкілеттіктері туралы заң жобасын дауысқа салу туралы шешімін «уақыты дұрыс таңдалмаған әрі мәнсіз қадам» деп бағалады.

Трамптың айтуынша, Сенаттың бұл қадамы АҚШ-тың Иранға қарсы әрекеттерін құптамайтынын көрсетеді. Оның пікірінше, мұндай шешім «жауға қолдау көрсетіп, оның жағдайын жеңілдетуге» тең.

Трамп республикашыл төрт сенатордың демократтармен бірге дауыс бергенін айтып, «Бұл сенаторлар менің жұмысымды қиындатты, бірақ мен бұл істі аяқсыз қалдырмаймын», – деді.

АҚШ Сенатындағы дауыс беруде республикашыл төрт сенатордың қолдауымен Өкілдер палатасының Трамптан АҚШ армиясының Иранға қарсы әскери әрекеттерін тоқтатуды талап ететін қарары қабылданған болатын.

Қарардың заңдық күші болмаса да, ол Өкілдер палатасы мен Сенаттағы бірқатар республикашыл заң шығарушылардың соғысқа, сондай-ақ Трамптың Иранмен қақтығысты тоқтатуға бағытталған келісіміне қатысты алаңдаушылығының күшейгенін көрсетеді.